نت لوك netlook كبسولات فعالة لعلاج حب الشباب

201 تعليقات

1. اعاني من اسمرار ف الشفاه ، كنت مدخن لفترة طويلة و بفضل الله توقفت . هل يوجد علاج يزيل الاسمرار ؟؟

   • لا توجد علاجات موضعية فعالة فى علاج اسمرار الشفاه ولكن هناك بعض العلاجات الأخرى مثل الليزر

   • لو سمحت يا دكتوره عندي إفراط في إفراز دهون فروة الرأس ومسببه لي قشرة استخدمت كل الشامبوهات ومفيش نتيجه هل العلاج ده يعمل علي تقليل افرازات دهنية فروة الرأس وبعد الانتهاء من الكورس تعود الدهنية مره آخره ولا تستمر النتيجه دون تغيير ارجو الرد .

     • هذا العلاج يوصف لحب الشباب وليس لافرازات فروة الرأس الدهنية ، وننصحك باستشارة طبيب جلدية للكشف ووصف العلاج المناسب للقشرة

2. هل يتعارض دواء النت لوك مع تركيب وسيلة منع الحمل

   • ما هى وسيلة منع الحمل ؟

3. استفسار علي نت لوك

   • انا استعملت نت لوك 40 كنت باخد 2كبسوله في اليوم لمدة 3شهور جاب معايا نتيجه كويسه بس بعد كدا حسيت ان الحبوب بتظهر تاني

     • في معظم الحالات يكون الدواء علاجًا طويل الأمد وأحيانًا دائم لحب الشباب ، لكن في بعض الحالات حوالى ٢٠٪ قد يعود حب الشباب مرة أخرى

       • أنا الحبوب رجعتلي تاني بعد أربع سنين من انتهاء الكورس العلاجي ينفع أكرر الكورس مرة أخرى؟

         • يجب زيارة اخصائى جلدية والقيام بالتحاليل لتحديد ما اذا كانت الحالة بحاجة لتكرار العلاج ام لا وذلك تبعا لشدة ومدى انتشار الحبوب ونوعها

4. هو المفروض استخدم كام قرص من نت لوك علشان يخفف الحبوب +الحبوب اللي موجود ف وشي فيها حاجه شيه الدمامل كده هل نت لوك هيخففها ولا استخدم حاجه تانيه ؟؟؟؟

   • لا يجب استخدام دواء نت لوك دون استشارة الطبيب لأن الدواء له آثار جانبية كثيرة وقبل وأثناء تناول الدواء يُفضل عمل تحليل مستوى الكوليستيرول والدهون الثلاثية وفحص وظائف الكلى والكبد

     من الأفضل زيارة طبيب الجلدية لوصف العلاج المناسب للحالة فعادةً ما تحتاج علاج حب الشباب إلى استخدام عدة أدوية مثل الكريمات أو المضادات الحيوية الموضعية و الأقراص أو أدوية مثل نت لوك

5. هل بيأثر النت لوك عل اداءك ف التمارين الرياضية كالجيم ورفع الحديد ؟

   • التمارين الخفيفة إلى المعتدلة يمكن أن يتحملها الشخص ومع ذلك يُفضل الامتناع عن ممارسة التمارين القوية خلال فترة العلاج

6. من امتي بيبتدي يبان مفعوله ؟

   • تبدأ في العمل بعد أسبوع إلى 10 أيام ، ويظهر تأثيرها بعد حوالى بعد 4 أشهر

7. انا خلصت الكورس بتاعي ٦ شهور الجرعه ٤٠
   دلوقتي ابطلوا علطول ولا تدريجي ولو كان تدريجي يبقي الجرعه كل قد ايه

   • الدواء يمكن أن يتم إيقافه أو تخفيض جرعته اعتماداً على شدة الحالة

8. استخدمت نت لوك عشرين لمدة ست شهور وبعدها أربعين لمدة شهر ونص هل هيضر بشرتى لو استخدمت فيتامين سي لتفتيح البقع الداكنة معاه ولا لا وهكذا كريم تقشير البشرة هيضر بردو

   • تأثير سيروم فيتامين سى فى تفتيح البشرة ليس قوى كما أنه فى بعض الحالات قد يسبب ظهور حبوب ، لذلك الأفضل استخدام كريم تفتيح خفيف مثل acm depiwhite cream مع ترطيب البشرة ٣ ل٤ مرات يومياً لتجنب جفاف البشرة

9. هو المفروض اخد نت لوك فى معاد محدد انا باخد كبسولتين وحدة بعد الفطار ووحدة بعد العشاء وانا بصوم اتنين وخميس فبغير معاده ممكن يأثر ع النتيجه وانا الكورس بتاعى ممتد لحد رمضان

   • لا مشكلة ولكن حاولى أن تكون مواعيد الجرعات قريبة من بعضها يعنى جرعة بعد السحور بدل الجرعة بعد الفطار وجرعة مع الإفطار بدل الجرعة مع العشاء

10. ايه افضل علاج لصداع ال netlook ?

    • يمكنك تناول البنادول فهو خفيف على المعدة ( لا يجب تناول أكثر من ٣ أقراص فى اليوم )
      أما المسكنات مثل فولتارين وكيتوفان وبروفين فهو جيدة فى تخفيف الصداع ولكن كثرة استخدامها قد تسبب مشاكل بالمعدة

11. السلام عليكم ورحمة الله
    وزني 88ك وكولي 176اخءت الدواء من سنتين حرعه شهرين ونص كبسولتين في اليوم تركيز 40 والانوعاودة ااخذه مره اخري تركيز 40 لكن كبسوله واحده في اليوم هل هذا صحيح وكام المده المكلوب ان استعمله

    • يقوم الطبيب بتحديد الجرعة المناسبة تبعاً لشدة الحالة وتكون الجرعة كبسولة أو كبسولتين يومياً وعادةً يتم تناول الدواء لمدة ٤ إلى ٦ شهور

    • انا لسه بادئه كورس الدكتوره كاتبالي ١٠ و ٢٠ تركيزين باخد ١٠ الصبح بعد الفطار وال ٢٠بعد العشاء بس خايفه جدا من آثاره بعدين خصوصا اني هاتجوز بعد سنه والكورس هاخده تقريبا لمده ٦ شهور وهايكون باقي ٦ شهور تقريبا علي الجواز .. في اي حل تاني غير النت لوك ممكن يفيد خصوصا الحبوب مش كتير اوي .. بس مش بتبطل تطلع وترجع تاني وتخف .. ياريت الإرشاد

12. السلام عليكم ورحمة الله
    وزني 88ك وطولي 176 اخذت الدواء من سنتين جرعه شهرين ونص كبسولتين في اليوم تركيز 40 وتحسنت لكن بنسبه والان عاودت ااخذه مره اخري تركيز 40 لكن كبسوله واحده في اليوم هل هذا صحيح وكام المده المطلوب ان استعمله

    • يقوم الطبيب بتحديد الجرعة المناسبة تبعاً لشدة الحالة وتكون الجرعة كبسولة أو كبسولتين يومياً وعادةً يتم تناول الدواء لمدة ٤ إلى ٦ شهور

13. من فضلك انا استعملت نت لوك لفترة شهرين ونص 2كبسوله يوميا تركيز 40 منذ عامين وتحسنت لنسبه والان بدأت استعمله مره اخري لكن اتناول حبايه واحدة يوميا تركيز 40 هل هذا يكفي علما بان وزني 87 وطولي 175ارجو توضيح المده والجرعه المناسبه

    • يقوم الطبيب بتحديد الجرعة المناسبة تبعاً لشدة الحالة وتكون الجرعة كبسولة أو كبسولتين يومياً وعادةً يتم تناول الدواء لمدة ٤ إلى ٦ شهور

14. بعد اذنك ي دكتور انا اخدت نت لوك لمده 6 شهور وخلصت الجرعه وبعد سنه ونص رجع وشي تاني للحبوب وبتسيب اثر جامد الطبيبه رجعتني ليه وبقالي شهرين بخده وانا مش حابه اخده بسبب اضراره هل ينفع اوقفه.. وهل هفضل كده طول حياتي لو وقفته الحبوب ترجع لانها دايمه ولا في امل تروح من غير النت لوك

    • في معظم الحالات يوفر الدواء علاجًا طويل الأمد وأحيانًا دائم لحب الشباب ، لكن في بعض الحالات (حوالى ٢٠٪ ) قد يعود حب الشباب مرة أخرى

      • يعني اوقفه لان كده معناه مالوش لزمه شبه علاج مؤقت + الطبيبه مطلبتش مني اي فحوصات ف المرتين راي حضرتك مهم بالنسبالي

15. بستخدم علاج الايزو 20 لمده شهرين قرص ف اليوم ولمده شهر يوم بعد يوم ولمده شهر كل يومين وانا ف اخر شهر بس حاسه مجبش نتيجه اوي معايا وفي بذور سودا كتير ينفع استخدم النت لوك هيبقى احسن ولا اكمل تاني للأيزو او اي الانسب ليا؟؟

    • يجب زيارة الطبيب لتشخيص الحالة ووصف العلاج المناسب تبعاً لحالة الحبوب ، كما أن دواء نت لوك لا يجب استخدامه إلا تحت اشراف الطبيب وبعد اجراء فحوصات الدم

16. أعاني من ثبات شديد بالوزن علي الرغم من اتباع حميه وممارسه رياضه يوميا لمده ساعه
    هل للعلاج سبب في ذلك
    علي العلم ان الغده الحمد لله وفيتامين دال طبيعيين

    • الدواء لا يؤثر على الوزن

17. اما هي النسبة الطبيعية للدهون الثلاثية و وظائف الكبد و الكلي اللي بناء عليه تقدر تحددلي اذا كنت هقدر استخدم الدواء او لا ؟…
    ف حالة استخدام الدواء كل كام شهر المفروض اتابع التحاليل ؟؟

    • النسب الطبيعية تجدها مكتوبة فى تقرير التحاليل الخاص بالمعمل بجانب نتائج فحصك

18. ما هو المعدل الطبيعي للدهون الثلاثية و وظائف الكبد و الكلي اللي بناءً عليه اقدر استخدم اقراص النت لوك ؟؟…
    كل كام شهر يمكني متابعة التحاليل و تكرارها للاطمئنان خلال استخدامه ؟؟

    • لا يجب استخدام الدواء إلا تحت اشراف الطبيب المختص وهو الذى يقرر مناسبة الدواء للحالة تبعاً للتحاليل

      ستجدى فى تقرير التحاليل المعدلات الطبيعية للدهون ووظائف الكلى والكبد مكتوبة بجانب المعدلات التى تم قياسها

      قد تحتاج بعض الحالات إلى القيام بالفحوصات شهرياً وحالات أخرى يكفى القيام بها مرة أو مرتين أثناء العلاج

19. ي دكتور انا اخدت نت لوك 20 ….27 يوم وبعد كده خفت وبطلت اخده لمده 22 يوم ووشي خف ولما بطلت رجع تاني وروحت عند الدكتوره وبرضو رجعتني ليه.. ف رأي حضرتك ايه … هو كده مالهوش لزمه معايا علشان وشي رجع تاني

    • يجب تناول دواء نت لوك لمدة ٤ إلى ٦ شهور لعلاج حب الشباب بشكل فعال

20. بستخدم netlook 40
    Once per da
    وقدامي لسه ٥ شهور
    ينفع استخدم معاه حاجه لتفتيح البقع البني وايه احسن حاجه تفتح البقع في البشره

    • يُفضل الانتظاار حتى تٌشفى الحبوب تماماً ثم بعد ذلك يمكنك استخدام كريم تفتيح

21. بستخدم نت لوك ٤٠ مرة يوميا وظهر بقع حمراء تحت الشفاه دا طبيعي !!!

    • قد يسبب الدواء احمرار فى البشرة فى بعض الحالات وعندها يُفضل الرجوع للطبيب المعالج واخباره بالأعراض لتأكد من آمان استمرار تناول الدواء بالنسبة لك

22. لو سمحت يا دكتور لو انا بعمل جلسات ليزر ازاله شعر للجسم هل الدوا ممكن يأثر علي الهرمونات و الشعر يطلع تاني ؟

    • عادةً لا يُفضل تناول الدواء اثناء العلاج بالليزر ، لأن الدواء يسبب قد يؤثر على سرعة شفاء الجلد بعد الليزر
      ولكن البعض قد يقومون بالليزر اثناء تناول الدواء ولكن يتم باستخدام انواع معينة من اجهزر الليزر ويستخدمون الليزر بقوة أقل أثناء العلاج بالدواء

23. لو سمحتي يادكتوره انا داخله في الشهر التالت في تناول النت لوك وحاسه ان وشي ظهر في حبوب كتير وبتوجعني واحيانا بيظهر احمرار جامد في البشره بس الاحمرار دا كان متواجده ايضا قبل تناول هذا الدواء
    ماهي اسبابه وهل طبيعي ظهور الحبوب دي والنتيجه الكويسه للدواء تظهر امتي؟

    • قد يظهر تأثير الدواء فى بعض الحالات بعد ٤ أشهر
      الدواء قد يجعل حب الشباب أحيانًا يبدو أكثر التهابًا وظهورًا وقد يسبب جفاف واحمرار بالبشرة ولكن اذا كانت هذه الأعراض مزعجة فننصحك بالرجوع للطبيب واستشارته

24. انا كنت باخد نت لوك٤٠ و٢٠ خده شهرين بس وشي بقا كويس وبعد سنه وشي رجع تاني بس علي حبوب بسيطه ارجعله تاني ولاا لاء

    • علاج الحبوب يعتمد على نوعها ومدى انتشارها ولذلك يجب عليك استشارة طبيب اخصائى جلدية لتقييم الحالة ومعرفة هل الدواء مناسب لكى أم لا ؟

25. هل النت لوك يسبب تأخر الدوره الشهريه عند البنت

    • أجل تناول الدواء قد يسبب ذلك فى بعض الحالات

      • طيب ف الحاله دي نقلق ولا عادي؟

        • فى المعتاد تعود الدورة لطبيعتها بعد ايقاف الدواء

26. ف حاله تاخر الدوره الشهريه بنستمر ع العلاج؟ ولا بنوقفه و دي حاجه متقلقش أو تستدعي الكشف؟

    • يجب الرجوع للطبيب المعالج

27. انا بستخدم نت لوك10بقالي اسبوع تحت استشاره طبيه وباخد مرتين ف اليوم
    دلوقتي بعد ما اخلص العلبه اجيب تاني ولا اي؟!

    • عادةً ما يتم تناول الدواء لمدة ٤ إلى ٦ شهور لذلك عليك الرجوع للطبيب المعالج ومعرفة المدة التى تحتاجين لتناول الدواء خلالها

28. لو سمحت اي المده المطلوبه الي تكون آمنه اني احمل بعديها بطفل سليم معافي بأذن الله الدكتور قالي شهرين كفايه بس انا شفت كذا حد بيقول 6 شهور لاني هتجوز

    • عادة ما يختفى الدواء من دم المرأة في غضون 10 أيام بعد آخر جرعة ولكن قد يبقى الدواء وقت أكثر فى بعض الحالات
      ولذلك بعض الاطباء يوصى بالانتظار لمدة من شهر إلى سنة ولذلك ننصحك بزيارة طبيبة النساء المختصصة قبل الزواج واستشارتها عن المدة المناسبة للحمل بعد ايقاف الدواء

29. لو نسيت اخد جرعة الصبح بتاعت نت لوك واخدت جرعة باليل يعني اخدت كبسولة اليل فقط. اعمل ايه؟

    • خدى جرعة الصبح دلوقتى وخدى جرعة الليل فى موعدها

30. لو نسيت جرعة نت لوك 40 ف يوم هيأثر ع النتيجة وياتري هضطر اعيد كورس العلاج من الاول تاني؟!! انا بقالي 4 شهور باخده ونسيت الجرعة ف الشهر الاول من العلاج

    • لا مشكلة من نسيان الجرعة وليس عليكى اعادة الكورس

31. لو سمحتي يا دكتوره انا بستخدم نت لوك من اسبوع مره في اليوم بس دلوقتي اختها مش في معادها ومهما اكلت مش شبعانه واحساس الجوع دائم حاسه بطني بتاكل بعضها دا ممكن من البرشام ولا انا تعبانه بحاجه تاني احساس الجوع هيموتني حرفيا

    • الدواء لا يسبب الشعور بالجوع

32. نسيت جرعة نت لوك 40 ف يوم ف الشهر الاول من كورس العلاج وكدا بقالي4 شهور باخده كدا هضطر اعيد من الاول ولا استمر لحد ما اكمل ال6 شهور عادي

    • لا مش مضطرة تعيدى من الأول كملى عادى الجرعة

33. الدورة الشهرية كانت طبيعية وف معادها اول 3 شهور من العلاج وبعدها انقطعت هل ده بسبب العلاج ولا محتاجة كشف خاص وهل هتفضل منقطعة كدا لحد اخر كورس العلاج؟؟!!

    • أجل قد يسبب الدواء عدم انتظام فى الدورة
      قد تعود الدورة وفد تظل منقطعة يختلف الأمر من حالة لأخرى وعموما ننصحك بالرجوع للطبيب واخباره لتحديد الافضل بالنسبة لحالتك

34. فرحي هيكون بعد ماينتهي كورس العلاج ب3 شهور هل ده ممكن يسبب ضرر؟!!

    • ننصحك بزيارة طبيبة نساء قبل الزواج للاستشارة للتأكد من آمن حدوث الحمل فى أول الزواج

35. لو سمحتي يا دكتوره انا اخدت نت لوك ١٠ لمده ٣ شهور ومراتي كانت حامل ف الشهر التاني لما بدأت اخد النت لوك هل ممكن يكون عمل ضرر للجنين .

    • عند بداية تناولك الدواء كانت زوجتك حامل فى الشهر الثانى وبالتالى حدوث الحمل كان قبل تناولك للدواء
      وبالتالى لن يؤثر الدواء على الحمل الذى حدث قبل تناولك اياه

36. لو سمحتي يادكتورة
    كنت اخذت النت لوك علي فترات متقطعة هو قضي علي الحبوب بس مش بشكل نهائي عايز ارجع اخده تاني
    فهل لازم اخد كورس كامل ٦ شهور
    وخايف من اعراضه الجانبية خصوصا انه كان بيتعب عيني
    فهل هو بيأثر عالنظر وممكن يسبب العمي فعلا
    وهل اعراضه الجانبية خطيرة جدا

    • يجب استعمال الدواء تحت اشراف الطبيب وبانتظام وللمدة التى يحددها الطبيب ولاتى عادةً ما تكون من ٤ إلى ٦ شهور
      الدواء لا يسبب العمى ولكنه قد يسبب جفاف بالعين ومشاكل بالرؤية مثل الزغللة أو عدم الرؤية بوضوح فى الليل

37. باخد نت لوك بقالى ٦ شهور و نص بدات احس بصعوبه فى الحركة و وجع فى العضم و الرؤيه احيانا فيها زغلله هل اوقفه و بعد م اوقفه تختفى الاثار الجانبيه من نفسها

    • هل وصف لك الطبيب استخدام الدواء أكثر من ٦ شهور ؟
      ننصحك بالرجوع للطبيب واخباره بهذه الأعراض ليحدد الأفضل بالنسبة لحالتك ؟

38. انا طلعت حامل في أول اسبوع وكنت بقالي اسبوع باخد نت لوك يعني مكملتش شريط منه ووقفته ده ممكن يأثر ع البيبي

    • يمكن أن يسبب الدواء مشاكل للجنين اذا تم تناوله في الأسابيع الأولى من الحمل ، ننصحك بزيارة طبيب النساء والمتابعة بانتظام وان شاء الله لا يكون هناك ضرر

      • انا بخد نت لوك ٢٠ وبعد شهر ونصف وقفت ٢٠ يوم ورجعت االحبوب فرجعت اخد تاني شهر ونصف اوقف ولا اكمل

        • يجب الرجوع للطبيب المعالج فتناول الدواء يجب أن يتم تحت اشراف طبيب الجلدية
          وبشكل عام يجب تناول الحبوب للمدة الموصى بها وهى من ٤ إلى ٦ شهور على حسب الحالة

      • نت لوك مناسب لعمر ١٤ سنه و كريمات التفتيح بتسبب بقع فاتحه ودكتور منع استخدام كريمات تفتيح
        الدواء حيعالج الحبوب مناسب لسن ١٤ سنه والبقع ايه حلها

        • دواء نت لوك يمكن استعماله فوق سن ١٢ ولكن لا يجب استعماله الا تحت اشراف اخصائى جلدية ولا يُستخدم إلا فى الحالات الشديدة فقط وفى الحالات التى تم فيها تجربة كافة علاجات حب الشباب سواء الموضعية او المضادات الحيوية مع طبيب مختص ولم تنجح.

          يجب ايقاف الكريمات التى سبتت البقع حتى يعود الجلد لطبيعته

39. انا باخد نت لوك بقالي ١١ يوم تركيز ٢٠ والدكتور مكتبليش علي غسول ولا مرطب وهو في محافظة تانية ومش هقدر اروح غير لما ميعاد الاستشارة يجي ، تنصحيني بايه يا دكتور بليز ، انا بشرتي دهنية حساسة

    • بالنسبة للغسول : غسول لاروش بوزيه ايفاكلار مناسب للبشرة الدهنية الحساسة
      وبالنسبة للمرطب : يمكنك استعمال بانثينول مرطب للبشرة

40. هل من الافضل ازاله الدهون من الوجه يدوين مع العلاج ام انا البرشام سوف يزيل الدهون

    • لا يفضل القيام بذلك حتى لا تزيد الحبوب

      • طيب انا الدكتر الي بروح عندو بيشلي فيهم يدويان هل بطريقه دي فترت العلاج بالبرشام هتكون مابين 4-6 شهور ولا اقل من كده

        • اذا كان الطبيب اوصى بذلك فلا بأس لكن لا تقوم بذلك بنفسك
          أجل المدة الموصى بها من العلاج من ٤ إلى ٦ أشهر

41. ينفع اخد مره وحده في اليوم من كبسوله نت لوك 10 بدل اتنين؟!

    • يجب الرجوع للطبيب المعالج واستشارته

42. انا لسه بادئه كورس الدكتوره كاتبالي ١٠ و ٢٠ تركيزين باخد ١٠ الصبح بعد الفطار وال ٢٠بعد العشاء بس خايفه جدا من آثاره بعدين خصوصا اني هاتجوز بعد سنه والكورس هاخده تقريبا لمده ٦ شهور وهايكون باقي ٦ شهور تقريبا علي الجواز .. في اي حل تاني غير النت لوك ممكن يفيد خصوصا الحبوب مش كتير اوي .. بس مش بتبطل تطلع وترجع تاني وتخف .. ياريت الإرشاد

    • يختلف علاج الحبوب على حسب شدتها ومدى انتشارها ، واذا كنتى لا تريدين استخدام الدواء فتحدثى مع طبيبك حول رغبتك فى عدم استخدامه
      فهناك الأدوية الموضعية مثل الكريمات المقشرة مثل كريم اكرين ( يُستخدم مرة واحدة فى اليوم على الحبوب فقط ) وهناك المضادات الحيوية الموضعية مثل لوشن اكنيمايسين ( يُستخدم مرة واحدة فى اليوم على الحبوب فقط ) أو المضادات الحيوية الأقراص مثل فيبراميسين ( يجب استخدامها تحت اشراف الطبيب )
      هذه العلاجات يٌفضل تجربتها أولاً قبل دواء النت لوك واذا لم تكن ذات فاعلية عندها يتم اللجوء لدواء نت لوك

43. انا لسه بادئه كورس الدكتوره كاتبالي ١٠ و ٢٠ تركيزين باخد ١٠ الصبح بعد الفطار وال ٢٠بعد العشاء بس خايفه جدا من آثاره بعدين خصوصا اني هاتجوز بعد سنه والكورس هاخده تقريبا لمده ٦ شهور وهايكون باقي ٦ شهور تقريبا علي الجواز .. في اي حل تاني غير النت لوك ممكن يفيد خصوصا الحبوب مش كتير اوي .. بس مش بتبطل تطلع وترجع تاني وتخف .. ياريت النصيحه وفعلا ممكن ترجع تاني الحبوب في وشي كاني ماخدتش العلاج

    • يختلف علاج الحبوب على حسب شدتها ومدى انتشارها ، واذا كنتى لا تريدين استخدام الدواء فتحدثى مع طبيبك حول رغبتك فى عدم استخدامه
      فهناك الأدوية الموضعية مثل الكريمات المقشرة مثل كريم اكرين ( يُستخدم مرة واحدة فى اليوم على الحبوب فقط ) وهناك المضادات الحيوية الموضعية مثل لوشن اكنيمايسين ( يُستخدم مرة واحدة فى اليوم على الحبوب فقط ) أو المضادات الحيوية الأقراص مثل فيبراميسين ( يجب استخدامها تحت اشراف الطبيب )
      هذه العلاجات يٌفضل تجربتها أولاً قبل دواء النت لوك واذا لم تكن ذات فاعلية عندها يتم اللجوء لدواء نت لوك

44. لو سمحتى ي دكتورة انا بيظهرلى حبوب بيضه حولى فمى أوقات تقل وأوقات تانيه تزيد بطريقه غير طبيعيه وانا سنى 17 سنه وروحت ل دكتور جلديه وعملت تحاليل والحمدلله طلع ان نسبة الدهون كويسه وان النتائج كويسه وقالى استخدمى آكرتين ودلوقتى سببلي احمرار فى البشره وحرقان ينفع استخدم الكبسولات دى ويفضل لما استخدمها اعمل ازالة شعر للوجه ب آداة ايه غير الشمع ؟!

    • دواء اكرتين من اعراضه الجانبية الاحمرار والحرقان ولذلك يُفضل استخدامه بكمية صغيرة جداً مع ترطيب البشرة بصورة مستمرة طوال اليوم

      الطبيب يحدد العلاج الأفضل للحالة تبعاً لنوع الحبوب ومدى انتشارها ودواء نت لوك يُستخدم فى حالات الحبوب الملتهبة بشدة ولا يجب استعماله إلا دون المتابعة مع طبيب الجلدية

      • يعنى اكمل على آكرتين ولا اوقفه

        • الطبيب المعالج هو من يحدد ايقاف العلاج أم الاستمرار عليه وذلك تبعاً لحالة الحبوب والالتهاب الحادث
          ولكن اذا كان الالتهاب شديد فيمكنك ايقاف الكريم عدة ايام واخبار الطبيب فربما تحتاجين لعلاج اخف من اكرتين أو تحتاجين لاستخدامه بجرعة وكميات أقل

45. ارجو الرد

    • ما هو استفسارك ؟

      • ايه الأداه اللى ممكن أزيل بيها شعر الوجه دون التهاب فى الوجه وتهيج الجلد

        • معظم الطرق التى تعتمد على غازالة الشعر من الجذور تسبب التهاب وتهيج الوجه واحياناً ظهور الحبوب ولكن الادوات التى تعتمد على الحلاقة (مثل شفرات فلامينجو ) لا تسبب عادةً تهيح بالبشرة

46. السلام عليكم
    لو سمحتى ي دكتور كنت عاوزه حاجه للقشرة اللى بتظهرلى فى وجه وبشرتى دهنيه

    • يمكنك استخدام كريم بانثينول مرطب عدة مرات يومياً

47. ايه انسب كريم او علاج لازالة اثار الحبوب؟! غير الليزر او التقشير الكيميائي

    • هناك كريمات التفتيح مثل كريم acme depiwhite يُستخدم مرة صباحا ومرة مساءً أو كريم ميلوكين يُستخدم مرة مساءً
      أو استخدام الكريمات المقشرة مثل اكرتين مرة قبل النوم يوم بعد يوم وليس بشكل يومى فى أول اسبوعين ثم يمكن استخدامه بعدها بشكل يومى ( الكريمات المقشرة يتم استخدامها بكمية صغيرة جداً لانها قد تسبب التهاب البشرة )
      يجب ترطيب البشرة بمرطب طبى مثل كريم بانثينول ٣ أو ٤ مرات يومياً

      ” قد تحتاج آثار الحبوب الخفيفة لمدة من شهر إلى ٣ شهور حتى تختفى “

48. اخذت نيتلوك ٣٠ مجم يوميا لمده ١٠ ايام واليوم ال ١١ وجدت فمي ملتهب من الخارج الشفايف … ويوجد وجع بالعين اليسري واضع مرطبات ولكنها لم تتحسن … وضعت كريم بيتاديرم للفم من الخارج وكمادات ثلج هل هذا صحيح
    .. وهل هذه حساسيه من البرشام ام ماذا ويفضل اتوقف أم اكمل العلاج ؟

    • قد تكون هذه من الأعراض الجانبية للدواء ( وليست حساسية ) ويجب عليك اخبار طبيبك المعالج بهذه الأعراض لتقييم الحالة وتحديد الأنسب بالنسبة لحالتك

49. عاوزه اعرف انا خلصت جرعه نت لوك لمده 5 شهور والمفروض بعد كدا اعالج الآثار يا ليزر أو تقشير كيميائي
    المفروض اعمل الجلسات دي امتي بعد ما اوقف الحبوب

    • يُفضل تجنب الليزر لما يقرب من 6 أشهر بعد التوقف عن الدواء

50. لو سمحت يا دكتور انا بقالي ٣ شهور باخد العلاج بس حاسه في جفاف بسيط اوي ايه السبب وهل لازم اخد العلاج مع اي اكل فيه دهون ولا عادي اخده مع اي حاجه لايت

    • الدواء من اعراضه الجانبية انه قد يسبب الجفاف
      الأفضل تناول الدواء مع الوجبة التى يتم تناول دهون بها مثل وجبة الغداء حتى يتم امتصاصه بصورة جيدة

51. هل لو مفيش جفاف وارد اعيد الكورس وعندي جفاف شفايف مش قوي اوي ونزيف ف الانف

    • يجب استشارة الطبيب المعالج لتحديد الأنسب تبعاً للحالة والاستجابة للعلاج

52. بدات احس بضعف في عين واحدة ونزول الدموع هل دا طبيعي ؟

    • الدواء قد يسبب جفاف بالعين أو مشاكل بالرؤية فى بعض الحالات ولذلك يجب عليك التواصل مع طبيبك واخباره بالأعراض ليحدد الأنسب بالنسبة لحالتك

53. السلام عليكم دكتورة
    أنا باخد نتلوك ٤٠ منذ شهرين
    أشعر بأعراض إكتئاب شديدة و لكن بعيدة عن الأفكار الأنتحارية الحمدالله
    أنا كنت أخذت علاج إكتئاب SSRI منذ سنتين تقريبا الكورس كان ٩ شهور
    هل أكمل نتلوك و أخد علاج الأكتئاب مرة ثانية
    ولا أوقف نتلوك ؟

    • عليك اخبار طبيبك المعالج بهذه الأعراض لتحديد الأنسب لحالتك

54. لو سمحتي يادكتور انا فرحي بعد كورس العلاج ب3 شهور هل ينفع اعمل تنضيف بشرة واستخدم جهاز الشمع؟!!

    • يُفضل تجنب إزالة الشعر بالشمع أو الليزر أو تقشير البشرة لمدة ٦ شهور بعد ايقاف العلاج بالنت لوك ،

55. باخذ نت لوك بقالي ٦ شهور و لسة وشي في حبوب داخلية متجمعة مع بعض لكن الجفاف و الحساسية في ايدي لحد كوعي و شفايفي كلها بقيت متعورة رغم الترطيب المفروض اوقفة كدة كفاية لان الدكتور مسافر ومش عارفة اوصلة و هل الواء بعمل التهاب في المثانة ؟؟

    • عادةً ما تكون المدة الموصى بها لاستعمال الدواء حوالي 6 أشهر ولكن البعض قد يحتاج إلى استعماله لمدة أطول وذلك على حسب الحالة والاستجابة للعلاج وتحمل أعراضه الجانبية
      ولأن تناول الدواء يجب ان يكون تحت اشراف الطبيب فلا استطيع توصيتك باستعماله لمدة أطول ولكن يمكنك زيارة طبيب جلدية آخر لتحديد الانسب لحالتك

      التهابات المثانة لها اسباب كثيرة وتحديد السبب يكون بالفحص والكشف وتحديد الأعراض من قبل اخصائى مسالك بولية

56. يادكتور هل ينفع اعمل تنضيف بشرة او استخدم جهاز الشمع بعد 3 شهور من انتهاء كورس العلاج لان هيكون فرحي

    • يُفضل تجنب إزالة الشعر بالشمع أو الليزر أو تقشير البشرة لمدة ٦ شهور بعد ايقاف العلاج بالنت لوك ،
      كما انه يجب تجنب الحمل لمدة ٦ شهور على الأقل بعد التوقف عن العلاج لأن الدواء قد يسبب حدوث تشوهات بالأجنة

      أما تنظيف البشرة فعلى حسب المنتجات التى سيتم استخدامها فى التنظيف هل هى مقشرات أم غسولات أم ماذا ؟؟

57. شكرا خالص لرد حضرتك و اهتمامك ❤️❤️مش قادرة اكمل خالص من كتر الجفاف . ينفع خلاص اوقفة فورا و هكمل عند دكتور تاني بكريمات موضعية لان الدكتور اللي كنت متابعة معاة مش كاتبلي غير نت لوك فقط بدون اي كريمات

    • اجل يمكنك ايقاف الدواء طالما لا تتحملين أعراضه وتابعى مع طبيب آخر فى اقرب وقت

58. لو سمحتي ي دكتورة انا بأخد نيت لوك من اربع شهور ووقفت الجرعه لمدة ٣ايام كدا هحتاج اعيد الجرعه م الاول ولا عادي مش هيأثر؟

    • لا لن تعيد الجرعة من البداية

59. دكتور ينفع استخد نت لوك واكرتين ف نفس الفتره ؟

    • الافضل لا ، لأن استخدامهم معاً ممكن يسبب زيادة التهاب الجلد

60. لو سمحت يادكتور هو ينفع استخدم الشفرة لازالة شعر الوجه اثناء كورس علاج نت لوك؟!

    • يمكن ازالة الشعر بالحلاقة أثناء العلاج ولكن استخدميها بحذر وتجنى إصابة الجلد بالجروح

61. هل قلة دم الدورة الشهرية وعدم الإحساس بالألم أثناء كورس العلاج يرجع سببه ليه ؟وهل دى حاجة وحشة؟

    • الدواء قد يؤثر على الدورة الشهرية فى بعض الحالات ولكن بعد ايقافه تعود الأمور لطبيعتها

62. هل ممكن لو مقلله الدهون….. بعد الكورس ترجع الحبوب تاني

    • من الأفضل تناول الدواء مع أطعمة دهنية لضمان امتصاص الدواء بالكامل واستفادة الجسم منه وهناك أطعمة دهنية صحية يمكن تناولها مع الدواء مثل المكسرات ومنتجات الألبان كاملة الدسم (الحليب والقشدة والجبن) والافوكادو واللحوم والأسماك

63. هو بعد ما اخلص كورس العلاج ال6 شهور مفروض اروح للدكتور تاني ولا خلاص ع كدا اوقف العلاج ع طول ولا هو بيتوقف ببطء؟!!

64. هو بعد مايخلص كورس العلاج ال6 شهور لازم اروح للدكتور تاني ولا خلاص كدا اوقفه ع طول ولا هو المفروض بيتوقف ببطء؟!!

    • يجب المتابعة مع الطبيب حتى نهاية الكورس
      الدواء يمكن ايقافه فجأة أو بتقليل الجرعة على حسب شدة الحالة والاستجابة للعلاج

65. بنتى اخذت كورس من نت لوك لمدة 6 شهور واختفى حب الشباب منذ ثلاث سنوات ولكن وزنها خس بشكل غير طبيعى وتشتكى من فقد الشهية للطعام وعند الاكل تشتكى من الام فى البطن وكل هذه المشاكل ظهرت مع العلاج بالنت لوك
    ببرجاءالافادة ماذا نفعل للتغلب على هذه الآثار الجانبية للعلاج بالنت لوك وفعلا هذا من تأثيرات هذا العلاج ولا الموضوع حاجة تانى

    • متى ظهرت هذه الأعراض التى تعانى منها ؟؟ هل منذ ٣ سنوات أثناء العلاج بالدواء أم منذ فترة قريبة ؟

      اذا كانت منذ فترة قريبة فالتأكيد ليس سببها الدواء ، واذا كانت منذ ٣ سنوات فالدواء بشكل عام لا يؤثر على الوزن وتختفى آثاره الجانبية بعد عدة أشهر من التوقف عن استعماله

66. هل نت لوك يسبب تساقط الشعر؟

    • قد يسبب الدواء تساقط الشعر كأثر جانبي ولكن عادةً ما يكون تساقط الشعر مؤقتًا ، ويجب أن يبدأ الشعر في النمو مرة أخرى عند التوقف عن تناول الدواء.

67. هل يؤثر النت لوك على البريود ؟من وقت ما بدأت البرشام وهي متوقفه من ٥شهور ؟وهل خطر ام لا؟

    • اجل الدواء قد يسبب اضطراب فى الدورة الشهرية
      عليك اخبار الطبيب المعالج بذلك لتحديد الانسب تبعا للحالة

      عادة ما تعود الدورة الشهرية لطبيعتها بعد ايقاف العلاج

68. لوسمحت يا دكتور أنا رحت لدكتور وكتبلي علي نتلوك لمده ٦ شهور و حاليا مستمره فيه بقالي ٣ شهور تركيز ٤٠ مؤخرا بقي يجيلي نزيف في أنفي وبعد كده بدأ وجع شديد بالمعده وظهر حساسيه في كف أيدي وذراعي لحد كوعي ودلوقتي حالي تعب في معدتي وسخونيه فا في مشكلة لو وقفت نتلوك فاجأه لأن باخد كميه ادويه كتيره علشان معدتي وكده.

    • اخبرى الطبيب بالاعراض التى لديكى واستشيرى الطبييب حول ايقاف العلاج

69. هل يسبب نت لوك النعاس وتساقط الشعر

    • الشعور بالنعاس وتساقط الشعر أحد الأعراض الجانبية للدواء والتى قد تحدث فى بعض الحالات

70. هل يؤثر النيت لوك على الدورة الشهرية ؟من بدايه الكورس والدورة انقطعت تمام من خمس شهور

    • أجل قد يسبب الدواء عدم انتظام فى الدورة الشهرية

71. انا الدكتور كتب ليا نتولوك و كذا نوع غسول بحيث انوع بس مكتبش اي نوع مرطب لبشره دي حاجه عاديه هو مش نت لوك بيسبب جفاف فامفروض استخدم مرطب ؟

    • ممكن استعمال مرطب مثل بانثينول

72. هل لدواء نت لوك اي تأثير ع زيادة الوزن؟!!

    • قد يلاحظ بعض الأشخاص أحياناً زيادة أو فقدان الوزن خسارة أثناء تناول الدواء ومع ذلك ، فإن منظمة الغذاء والدواء الأمريكية لا تُدرج حاليًا التغير فى الوزن كأثر جانبي لهذا الدواء

73. لو سمحتي يادكتورة
    انا باخد نت لوك بقالي ٣ شهور ومكمل ف الكورس هل ممكن اعمل جلسات فراكشنال ليزر او ديرما بن حاليا
    الدكتورة اللي انا معاها قالت نعمل عادي ومفيش ضرر
    بس شوفت في كذا حاجة إنه ممكن يسبب ضرر
    ف رأي حضرتك ايه
    ولا استني بعد الكورس ب٦ شهور وابتدي الليزر او الديرما ؟

    • الافضل تجنب عمل هذه الجلسات اثناء العلاج بالدواء لان ممكن يحصل احمرار او التهاب بالبشرة

74. بستخدم نت لوك 40 بعد الفطار و20 بعد العشاء هل لو نسيته ف مره يضر ولا عاادي

    • لو نسيته هيزيد حمض المعدة وممكن تحس باعراض الحموضة والحرقان

75. لو سمحتي يادكتورة انا بعاني من نحافة فالجسم وباخد فتح شهيه ومش عامل حاجه ياريت تقوليلي علي حاجه كويسة للتطخين بس تكون سريعه علشان فرحي قرب

    • زيادة الوزن بشكل امن تحتاج لصبر والاستمرار لمدة طويلة على نظام غذائى يوفر سعرات حرارية اكثر من السعرات الحرارية المستهلكة
      بعض النصائح لزيادة الوزن :
      – تناول الطعام بمعدل أكبر من خمس الى ٦ مرات فى اليوم
      – تناول الاطعمة مثل الخبز والمعكرونة، وحبوب الإفطار المصنوعة من الحبوب الكاملة، والفاكهة والخضروات، ومشتقات الحليب والبروتين والدهون الصحية والمكسرات.
      – تناول العصائر السموذي أو المشروبات المخفوقة المصنوعة من الحليب والفواكه
      – تجنب تناول السوائل قبل الوجبات حتى لا تقل الشهية
      – تناول الحلوى من حين لآخر مثل الايس كريم والفطائر والكيك
      – من الممكن أن تساعد ممارسة التمارين الرياضية، خاصةً تمارين رفع الاوزان في اكتساب الوزن عن طريق بناء العضلات. كما يمكن أن تساعد ممارسة التمارين أيضًا في تحفيز الشهية

      يهمنا نعرف رأيك فى موقع وتطبيق شفاء يمكنك تقييم الموقع والتطبيق من هنا

76. انا بستخدم نت لوك ٢٠ مره واحده يوميا… هل في ضرر لو اخدت مكمل كرياتين للجيم خلال فتره العلاج

    • على الرغم من ان الابحاث التى تدعم وجود مشكلة من تناولهم معا قليلة وغير مؤكدة ولكن الافضل تجنب تناولهم معا لتجنب اى مشاكل والبدء فى تناول الكرياتين بعد الانتهاء من العلاج

      • شكرا لحضرتك يا دكتورة

77. هل يتعارض الدواء مع مركب فيناسترايد ؟

    • طالما يتم الاستعمال تحت اشراف الطبيب المختص لا مشكلة

78. هل مضر لبنتى عندها ١٣ سنه

    • الدواء لا يستخدم لاقل من ١٨ سنة

79. لو سمحتي يا دكتور انا باخد نت لوك ٢٠ و٤٠ يوميا والدكتور قلي المده بين الأقراص والجواز شهر دا كويس ولا اعمل ايه

    • لا مشكلة فى الزواج ولكن يجب الانتظار على الأقل ٦ شهور قبل حدوث حمل وذلك بأخذ وسيلة لمنع الحمل

80. ايه الاحتياطات اللي المفروض اخدها بعد الانتهاء من كورس العلاج بالنت لوك عشان امنع ظهور حب الشباب مره تانيه

    • بعد انتهاء للعلاج بنت لوك ، يتم استخدام غسول لطيف مناسب للبشرة للتخلص من الدهون الزائدة وتونر بعد الغسول مع استعمال مرطب خفيف مناسب للبشرة الدهنية ويمكن استعمال كريمات الريتينول مثل اكرتين يتم وضع طبقة خفيفة جدا قبل النوم يوميا او يوم بعد يوم

81. انا باخد نت لوك20 ومعاد اللقاح كورونا بكره عادى مع الدواء واله فى مشكله

    • لا توجد دراسات كافية حول تأثير الدواء على اللقاح ولكن اخبرى المختصون فى مركز اللقاح بكافة الادوية التى تتناوليها لتحديد المناسب لكى

82. هل استخدام الفتله أثناء استخدام نت لوك ٢٠ يؤثر على البشره ويسبب ندوب ام استخدام المواد الشمعيه والليزر هو الذي يؤثر؟

    • يفضل تجنب استعمال الطرق التى تزيل الشعر من الجذور اثناء العلاج بدواء نت لوك لان الدواء قد يؤثر على عملية التئام الجروح
      ويمكن استعمال الحلاقة كبديل

83. لو سمحتي يادكتورة
    كان عندي حب شباب خفيف وخدت نت لوك لمدة ٤ شهور
    وبطلته بس الحبوب بدءت ترجع تاني بشكل بسيط
    كنت افتكرت اني قضيت عليها
    مش عارف ارجع اخده تاني ولا اخد حاجة تانيه ولا اعمل ايه
    أرجو الإفادة

    • لا يجب اعادة تناول الدواء الا بعد الرجوع للطبيب الجلدية
      وبالنسبة لرجوع الحبوب غهذا قد يحدث فى بعض الحالات ان تعود مرة اخرى بعد اختفائها وذلك بسبب طبيعة البشرة

84. هل الليزر بيعالج حب الشباب الخفيف يادكتورة
    هو عندي من زمان
    هل الليزر يقضي عليه للأبد ولا الأفضل اللجوء للأدوية الأخري

    • الليزر فعال فى علاج اثار الحبوب وليس الحبوب نفسها

85. لو سمحتي يا دكتور انا بتناول كبسولات نت لوك من غير استشاره طبيب هو شخص عرفني عليه ولكن هو جاب نتيجه كويسه
    بقالي ١٢ يوم بستخدمه
    هل دا فيه خطر ؟

    • من الافضل زيارة طبيب جلدية والمتابعة معه اثناء تناول الدواء

86. يا دكتور عندي مشكله ومدمره حياتي وهي تعرق اليدين والقدم بشكل كثيف جدا والابطن.
    عايز اعرف اكشف عند دكتور اي جلديه ؟مخ واعصاب؟ وغيرهم ؟.
    ارجو الرد

    • قم بزيارة طبيب جلدية

87. لو سمحتي يادكتور انا متجوزة من شهر وحصل حمل وكنت باخد نت لوك اخر جرعة كانت من 3 شهور قبل الحمل مفروض اعمل ايه؟!! اقول لدكتورة النساء ولا ايه

    • اخبرى الطبيبة التى تتابعين معاها لمراقبة الحالة جيدا

88. هل نت لوك بيتاخد في وقت معين ولا في اي وقت في اليوم عادي ولو اخدته في اي وقت ف اليوم دا صح ولا غلط؟

    • اى وقت المهم يتم تناوله مع الطعام

89. انا اخدت النت لوك عشر ايام جرعه ٢٠ ووشي طلعلوه حبوب يامه تحت الجلد عاوزه أوقف ده كده عادي ولا ايه

    • فى اول فترة من استعمال الدواء قد يسبب ذلك فاستمرى عليه

90. لوسمحت انا بقالي عشر ايام ماشيه ع كورس نيت لوك ٤٠ وبستخدم غسول لاروش ومرطب شان جيل وفازلين للشفايف ومع ذالك ظهرلي اسمرار شديد حولين الفم وعند نهاية الفم في دايره سمره جدا ف الناحيتين من الفم و مقشره جدا هي وحول الانف ممكن اعرف السبب وايه علاجها

    • الدواء قد يسبب جفاف البشرة وعدم علاج الجفاف قد يسبب الاسمرار
      لذلك يجب اثناء العلاج بالدواء ترطيب البشرة باستمرار
      وعند غسل البشرة بالغسول يفضل مرة واحدة فى اليوم طالما البشرة جافة مع تجنب وضع الغسول فى المنطقة حول الفم لانه سيسبب زيادة الجفاف والاسمرار
      بالنسبة لعلاج الاسمرار فبعد الانتهاء من كورس النت لوك يمكن استعمال كريم تفتيح مثل الدوكين أو ميلوكين أو ايزيس يونيتون كريم

91. دكتور انا باخذ نت لوك 10 الدكتور كاتبه ليه استخدمه علشان مايحصليش تليف بعد عمليه الانف وانا من ساعه ما استخدمته بيطلع لي شعر زيادة مع اني عملها ليزر قبل لا اخذ العلاج ده فهل هو السبب في ظهور الشعر في الجسم وهل راح يخف بعدين ولا راح يزيد

    • لا يسبب دواء نت لوك زيادة الشعر ، بل على العكس يسبب تساقط الشعر
      زيادة الشعر ربما يكون لها سبب آخر